Опубликовано: 12 January 2017

Тодмо луизы Эрик Батуев но Кузебай Герд нимо йӧскалык премиослэн лауреатъёссы

Вань удмуртъёслэн "Удмурт Кенеш" ассоциацизылэн Исполкомез Эрик Батуев но Кузебай Герд нимо йӧскалык премиослэсь лауреатъёссэс бырйиз.

Эрик Батуев нимо премия удмурт литератураез но лулчеберетэз азинтон удысын удмурт журналистикалэсь кулэлыксэ будэтон вылысь юнматэмын. Премилэн лауреатъёсыз луыны быгато журналистъёс, кудъёсыз удмуртъёслэн улонэнызы герӟаськем ужрадъёсыз, темаосыз югдыто. Туэ Эрик Батуев нимо премиез басьтыны куать вазиськон вал. Исполком соос пӧлысь куинь тодмо журналистъёсыз бырйиз: Миннигараева Елена Васильевнаез, «Удмурт дунне» газетлэсь валтӥсь редакторезлэсь воштӥсьсэ, Белых Светлана Альбертовнез но Пикулева Светлана Николаевнез, «Мынам Удмуртие» телерадиокомпаниысь журналистъёсты. Лауретъёсты премиен сӥё-дано пусъёзы Прессалэн балаз.

Кузебай Герда нимо йӧскалык премен удмурт лулчеберетэз, сям-йылолъёсты азинтӥсьёсты, утисьёсты, удмуртъёслэсь шуг-секытъёссэс сэрттӥсь-пертчисьёсты пусъё. Туэ та премиез басьтозы Можгакарысь «Марӟан» ансамбльлэн кивалтӥсез Вячеслав Кудрявцев, Пичи Пургаысь Василий но Татьяна Москвинъёс но Эстониысь гожъясь Арво Валтон.



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,