Опубликовано: 31 March 2017

Алнаш ёросын йӧскалык культураосъя Трокай Борисов нимо центр усьтозы

Алнаш ёросын йӧскалык культураосъя Трокай Борисов нимо центр усьтозы. Со интыяськоз Кучыран гуртын. Алнашъёслэн ӵектоссы гурт возёсъя но сиён-юонъя министерство пыр 2 миллион манет тыр грант утӥз. Уксё висъямын луоз гуртъёсты азинтонъя кун программа улсын.

Центрын возьматэмын луоз ёросын улӥсь 4 калыкъёслэн лулучеберетсы: удмуртъёслэн, ӟучъёслэн, бигеръёслэн но поръёслэн. Котькуд выжыысь калыклы сӥземын луоз нимысьтыз экспозиция.

Центр кылдытэмын луоз азьвыл школа-интернат интыын. Огъетэ кӧня ке юртъёс пырозы. Чакламын усьтыны нимысьтыз кунокарон корка, отын йӧскалык сиён-юонъёсты пӧралозы. Озьы ик мунчоос пуктозы.

Кучырангуртын улӥсьёс лымы шунам бере чылкытатон-утялтон ужъёс борды басьтӥськыны чаклало. Одӥгзэ ке но юртэз чебертӥзы, октӥзы-калтӥзы ке, ужъюртэз усьтыны быгатозы ни.



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,