Опубликовано: 31 May 2017 15:19

Улонысь кошкиз Галина Аркадьевна Никитина


29-тӥ куартолэзе улонысь кошкиз Галина Аркадьевна Никитина, тодмо этнограф, истори тодосъя доктор, Историяя, кылъя но литературая удмурт институтысь валтӥсь тодосчи.

Галина Аркадьена улосысьтымы удмурт мерлыко движенилэн одӥгез кылдытӥсез, вань удмуртъёслэн «Удмурт Кенеш» ассоциацизылэн исполкомезлэн ёзчиез луэ. Кема аръёс ӵоже кивалтӥз удмурт нылкышноослэн огазеяськонэнызы.

Галина Аркадьевна вань улонзэ сётӥз тодослы. Эскериз удмурт крестьян мерлыклэсь радъяськемзэ, калык тодон-валанэз, элькунмылэн палэназ улӥсь удмуртъёсты, туала мерлыкын ортчись этнокультурной но этнополитической процессъёсты. Ваньмыз та ужпумъёс сэрттэмын-пертчемын тодосчилэн 110-лэсь ятыр тодослыко ужъёсаз но 3 монографияз.

Г.А. Никитина трос кужымзэ но дырзэ сётӥз элькунысьтымы йӧскалык политикалэсь тодослыко инъетсэ кылдытонлы. Озьы ик юрттӥз йӧскалыккуспо ужрадъёслэсь пуштроссэс тырмытыны но соосты методика ласянь шонер радъяны. Галина Аркадьеналэн ужез вылӥ кун данъянъёсын пусъемын.

Удмурт Элькунысь йӧскалык политикая министерствоысь, Калыкъёслэн эшъяськон юртысьтызы ӧнерчиос, мерлыко огазеяськонъёслэн ёзчиоссы мур куректэмзэс верало Г.А. Никитиналэн ӵыжы-выжыосызлы но матысь адямиосызлы.



Вань иворъёс ...

Вань ужъёс но ужрадъёс ...


Поделиться страницей
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна